Arhanizacyja pa biaśpiecy i supracoŭnictvu ŭ Jeŭropie (ABSIE) stała abjektam chakierskaj ataki. Pra heta paviedamiła ŭ sieradu, 28 śniežnia, ahienctva dpa sa spasyłkaj na pres-sakratara arhanizacyi. Pavodle jaje słoŭ, kibierataka była ździejśnienaja ŭ pačatku listapada i ŭsie 57 krain - udzielnic ABSIE byli apavieščanyja pra toje, što zdaryłasia.
Pradstaŭnik ABSIE pryznała, što ŭ vyniku ŭzłomu siervieraŭ chakiery mahli atrymać dostup da sakretnych dakumientaŭ arhanizacyi i padvierhnuli niebiaśpiecy cełasnaść jaje sietkavaj infrastruktury. Pahroza była likvidavanaja z dapamohaj ekśpiertaŭ pa infarmacyjnych technałohijach, da jakich ABSIE źviarnułasia pa dapamohu. U dadzieny momant kampjutarnaja sistema arhanizacyi abaroniena ad źniešniaha ŭvarvańnia.
Francuzskaja hazieta Le Monde napisała, što ataku ździejśniła hrupa rasijskich chakieraŭ ART 28. Pa inšych dadzienych, uzłom mahła ažyćciavić chakierskaja hrupoŭka Fancy Bear, jakuju taksama źviazvajuć z rasijskimi ŭładami. Pa słovach pres-sakratara ABSIE, im nieviadoma, chto staić za kibieratakaj, i jana nie hatovaja abmiarkoŭvać hetyja zdahadki.
