U navahodnija śviaty «Naša Niva» ŭzhadvaje samyja papularnyja artykuły, jakija źjavilisia na sajcie za 2016 hod.

* * *

Instagram siońnia — adna z samych papularnych sacyjalnych sietak u śviecie, niehledziačy na toje, što mabilnaja aplikacyja była stvorana ŭ 2010 hodzie. U Biełarusi Instagram taksama karystajecca papularnaściu. Naprykład siońnia, pa cheštehu #biełaruś možna prahladzieć bolš za miljon fota, a ŭ anhlijskaj viersii #belarus u aplikacyi možna znajści 1,6 miljony fota. Chto ž samyja papularnyja instahramiery ŭ Biełarusi? 

1. Daša Mart, 1 miljon padpisantaŭ

Daša Mart — fatohraf i žonka chakieista minskaha kłuba «Junactva» Alaksandra Baraduli. A jašče jana maje samy papularny akaŭnt Instagram u Biełarusi. Na svajoj staroncy Daša lubić časta vykładać eratyčnyja i intymnyja foty, jakija nabirajuć pa dziesiać tysiač łajkaŭ.

2. Kaciaryna Koba, 438 tysiač padpisantaŭ

Kaciaryna — biełaruskaja fotamadel, televiadučaja kanała STB. Vialikaja papularnaść siarod zamiežnych karystalnikaŭ Instagram abumoŭlena mianuškaj Kaci — «biełaruskaja barbi». Sapraŭdy, pahartaŭšy akaŭnt fotamadeli, možna znajści niešta padobnaje. Zvyčajna Kaciaryna vykładaje fotazdymki z pracy, lubić rabić sełfi i paviedamlaje padpisantam pra ŭsie svaje vandroŭki.

3. Maks Korž, 324 tysiačy padpisantaŭ

Adzin z samych znakamitych biełarskich śpievakoŭ uvachodzić u trojku samych papularnych biełaruskich akaŭntaŭ u Instagram. Pad fotkami Maksa zaŭsiody šmat kamientaŭ, dzie fany pryznajucca śpievaku ŭ kachańni. Sam ža Maks u asnoŭnym vykładaje fotki z padarožžaŭ, robić sełfi, a apošnim časam vystaŭlaje fota svajoj dački.

4. Lizavieta Martynčyk, 257 tysiač padpisantaŭ

Lizavieta — 15-hadovaja madelka ź Ivacevič, jakaja ŭ svaje hady ŭžo zamacavana za dvuma madelnymi ahienctvami: Siarhieja Nahornaha i Al Models New York. Biezumoŭna, što na akaŭnt Lizy padpisana šmat zamiežnikaŭ i heta vielmi adčuvajecca pa tym, jak jany pakidajuć kamienty. Ciapier Liza pražyvaje na paŭastraŭnoj častcy haradskoj zony Hankonha — Cziułun. Apošnim časam madel vykładaje fotki horada, ježy, robić sełfi z saboj i siabroŭkami.

5. Jula Hadunova, 302 tysiačy padpisantaŭ

Piataja miesca zajmaje juny videabłohier na YouTube. Jula — 20-hadovaja papularnaja videabłohierka z Homiela. Svaju aŭdytoryju jana maje i ŭ Instagram. Usie fota Juli nabirajuć pa 30 tysiač łajkaŭ, časam pakidajuć joj pa 500 kamientaŭ. Jula ŭ asnoŭnym vystaŭlaje foty sa svaim siabram i błohieram Dzimam Jermuzievičam, robić łuki ź minskich vulic i vandrovak i dzielicca zdymkami z fotasiesij.

6. Daryna Šaŭčuk, 163 tysiačy padpisantaŭ

Daryna — sapraŭdny instahramier. U lutym 2014 chłopiec padaryŭ Iphone 5s i, ŭstalavaŭšy Instagram na telefon, jana pačała vystaŭlać šmat fota. I voś, litaralna za 2 hady Daryna zmahła naźbirać vialikuju aŭdytoryju. Pa fotazdymkach u akaŭncie bačna, što ŭsie foty zrobleny nie vypadkova, pryhoža apracavanyja fota-filtrami i časta majuć niejkuju historyju. Bačna, što Daryna ŭkładaje dušu ŭ fota, mahčyma heta i ceniać jaje padpisanty.

7. Alesia Astaševič, 247 tysiač padpisantaŭ

Niehledziačy na vialikuju kolkaść padpisantaŭ, Alesia Astaševič u sacyjalnych sietkach nie vydaje ni svajoj prafiesii, ni inšaj asabistaj infarmacyi. Pa fota možna zaŭvažyć, što Alesia pracuje madellu nie tolki ŭ Biełarusi, ale i Rasii. Jaje fota źbirajuć pa try-čatyry tysiačy łajkaŭ. Zvyčajna Alesia vystaŭlaje fota siabie, zdymki z fotasiesij, padarunki i ježu.

8. Nataša Mańkoŭskaja, 156 tysiač padpisantaŭ

Nataša — jašče adna papularnaja biełaruskaja madel. U internecie adznačajuć, što 24-hadovaja Nataša źniałasia ŭ hałoŭnaj roli ŭ filmie «Padzieńnie ŭvierch» «Biełaruśfilma», zaniała 3 miesca ŭ hłabalnym konkursie pryhažości Mis Ukantakcie i pieršaje miesca ŭ konkursie Topface. Na jaje staroncy ŭ Instagram možna pabačyć fota ź jaje mužam, sełfi, łuki i, biezumoŭna, fota ježy.

9. Vika Padvierbnaja, 150 tysiač padpisantaŭ

25-hadovaja madel i śpiavačka z Maładziečna. Niehledziačy na toje, što Vika ŭžo maje dzicia, jana trymajecca ŭ dobraj formie. Na jaje akaŭncie možna znajści fota z adpačynku, jaje muža, jaki taksama z Maładziečna, i syna. Ale bolšaść fota pryśviečanyja samoj Viktoryi.

10. Anton Tabała, 117 tysiač padpisantaŭ

Anton — muzyčny rep-vykanaŭca hurta Homie. Repier časta hastraluje pa Rasii i Ukrainie, tamu jaho akaŭnt zbolšaha napoŭnieny fotkami z kancertaŭ, padarožžaŭ i padarunkaŭ ad fanataŭ. Nie zabyvaje Anton i Minsk — repier časta vystaŭlaje sełfi na fonie słavutaściaŭ stalicy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?