Pinski mižrajonny adździeł Śledčaha kamiteta zaviaršyŭ rasśledavańnie spravy pa častcy 3 artykuła 205 KK (kradziež, učynieny hrupaj asob, u bujnym pamiery) u dačynieńni da siami mužčyn, jakija abvinavačvajucca ŭ kradziažy majomaści Bresckaha filijała RUP «Biełtelekam».
Jak paviedamiła BiełaPAN aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, fihuranty kryminalnaj spravy z 14 maja pa 19 lipienia 2016 hoda na terytoryi Drahičynskaha, Ivanaŭskaha i Pinskaha rajonaŭ vykapali z hruntu i vykrali bolš jak 9 tys. mietraŭ kabiela linii suviazi. Złamyśniki zdymali ź jaho izalacyju i zdavali jak łom kalarovaha mietału.
Mužčyny pieramiaščalisia na asabistych aŭtamabilach, pieravažna ŭ ciomny čas sutak, i zrabili kala 30 pajezdak.
Z-za taho što ŭ toj pieryjad linija suviazi znachodziłasia biez napružańnia, kradziažy byli vyjaŭlenyja ŭ pačatku lipienia rabočymi pradpryjemstva padčas praviadzieńnia biahučaha ramontu. Zatym inžynier «Biełtelekama» pry abjeździe ŭčastka zaŭvažyŭ padazrony transpartny srodak i paviedamiŭ u pravaachoŭnyja orhany.
Złamyśnikaŭ zatrymali ŭ lasnym masivie. Tam ža byŭ znojdzieny tajnik, u jakim znachodzilisia kala 220 mietraŭ vykradzienaha kabiela.
Ahulny pamier naniesienaj škody skłaŭ bolš za 15 tys. denaminavanych rubloŭ. Na majomaść abvinavačanych takim ža koštam nakładzieny aryšt. Kala 8 tys. rubloŭ imi kampiensavana padčas śledstva.
Materyjały kryminalnaj spravy vyvučanyja prakuroram i nakiravanyja dla razhladu ŭ sud.
Abvinavačanyja — žychary Bresckaj vobłaści. Małodšamu ź ich 23 hady, starejšamu — 40.
