Pavodle infarmacyi Ministerstva antymanapolnaha rehulavańnia i handlu, u novym śpisie 28 dziaržaŭnych i pryvatnych pradpryjemstvaŭ, u tym liku DP «Biełaruśhandal», RUP «Biełmytniaservis», AAT «Biełbakaleja», TAA «Tytuń Inviest» (Minsk), AAT «Tytuńvinhandal» (Homiel ), TAA «Jeŭrahandal», SP «Pierno Rykar Minsk» TAA, STAA «Harsija», STAA «Biełvinhrup», UP «Dyjakonija», AAT «Minski zavod pienistych vin», TAA «Kłasičnyja viny», TAA «Zavod Bulbaš», ZAT «Minski zavod vinahradnych vin», KUP «Handlovy centr «Radziviłaŭski» i inšyja.
U novy śpis nie ŭklučanaja kampanija viadomaha biźniesmiena Juryja Čyža STAA «Akvatrajpł».
U 2016 hodzie śpiecimparciorami byli 29 pradpryjemstvaŭ, u 2015 hodzie — 35.
Sistema ŭvozu ałkaholu ŭ Biełaruś źmianiłasia ŭ 2008 hodzie paśla ŭvachodžańnia ŭ siłu dekreta prezidenta № 3, jaki zamianiŭ kvatavańnie impartu ałkaholnaj pradukcyi na instytut śpiecimparcioraŭ. Apošnich vybirajuć pa konkursie. Impartavać ałkaholnyja napoi paśla pieramohi ŭ konkursie mohuć jak dziaržaŭnyja, tak i niedziaržaŭnyja pradpryjemstvy.
Zhodna z dekretam № 2 ad 11 krasavika 2011 hoda, darahija ałkaholnyja napoi ŭvoziacca ŭ Biełaruś u režymie svabodnaha impartu.
Jak paviedamlałasia raniej, padrychtavany zakonaprajekt ab uniasieńni źmianieńniaŭ u zakon «Ab dziaržaŭnym rehulavańni vytvorčaści i abarotu ałkaholnaj, niecharčovaj śpirtaŭtrymalnaj pradukcyi i niecharčovaha etyłavaha śpirtu», zhodna ź jakim praduhledžanaja admiena vyklučnych pravoŭ dziaržavy na ažyćciaŭleńnie impartu ałkaholnych napojaŭ. Pakul hety zakonaprajekt nie pryniaty.
