U chodzie vizitu ŭ Jehipiet Alaksandr Łukašenka abmierkavaŭ 15 studzienia ź ministram abarony i vajennaj pramysłovaści Jehipta Siedki Sabchi raźvićcio supracoŭnictva ŭ vajenna-pramysłovaj śfiery.
«Ja ŭžo kazaŭ u prysutnaści vašaha prezidenta, što ŭ nas niama zakrytych tem dla supracoŭnictva. My hatovyja dać vam pasilnuju dapamohu i padtrymku, kali vy budziecie ŭ hetym zacikaŭleny», - pryvodzić słovy Łukašenki pres-słužba kiraŭnika biełaruskaj dziaržavy.
Biełaruski kiraŭnik raźličvaje, što Siedki Sabchi zmoža naviedać Biełaruś i acanić, jak u krainie raźvivajecca vajenna-pramysłovaja śfiera. «My vam pakažam našy mahčymaści. Kali vam tyja technałohii, jakija ŭ nas jość, prymalnyja, budziem razam pracavać. Dumaju, my znojdziem šmat tem dla supracoŭnictva», - adznačyŭ Łukašenka.
U svaju čarhu ministr abarony i vajennaj pramysłovaści Jehipta adznačyŭ vialiki vajenny patencyjał Biełarusi i raźvićcio ŭ krainie technałahičnaha vytvorčaści vajennaj techniki. «My spadziajemsia supracoŭničać z vami ŭ hetych śfierach», - skazaŭ jon.
Łukašenka prybyŭ u Jehipiet 15 studzienia z dvuchdzionnym vizitam, paśla čaho adpravicca ŭ Sudan.
