Jon paviedamiŭ, što na adras, pa jakim prapisany Michał Šaramiet, byli vysłany ŭžo niekalki pozvaŭ, i tamu vymušany zaprašać jaho na razmovu pa telefonie. U 13‑30 Michał pazvaniŭ žoncy Alonie i tolki papiaredziŭ, kab doma jana nie źjaŭlałasia, paśla čaho suviaź ź im razaravałasia. Praź niekalki hadzinaŭ stała viadomym miescaznachodžańnie Michała Šaramieta: supracoŭniki KDB padćvierdzili advakatu, što aktyvist znachodzicca ŭ śledčym adździele upraŭleńnia Kamitetu dziaržbiaśpieki pa Minsku i Minskaj vobłaści. Papiarednie jon zatrymany na 3 sutak, zaŭtra ranicaj projdzie dopyt z udziełam advakata.
Ranicaj ŭ kvatery, dzie prapisany Michał Šaramiet i dzie žyvie jahonaja 80‑hadovaja babula byŭ praviedzieny 4‑hadzinny pieratrus, sankcyjanavany prakuraturaj. Supracoŭniki pravaachoŭnych orhanaŭ nie znajšli ničoha padozranaha, ale babulu napałochali.