Z pačatku hoda ŭ Biełarusi naśmierć zamierźli 22 čałavieki. Usiaho ž z 9 śniežnia, kali pačali ŭlik, zamierźli až 47 čałaviek, paviedamiła 17 studzienia na pres-kanfierencyi ŭ Minsku hałoŭnaja śpiecyjalistka adździeła pieršasnaj miedycynskaj dapamohi hałoŭnaha ŭpraŭleńnia arhanizacyi miedycynskaj dapamohi Ministerstva achovy zdaroŭja Alena Saŭko, piša BiełaPAN.
U pałovie hetych vypadkaŭ ludzi ŭžyvali ałkahol. I daloka nie kožny zamierzły — asoba biez peŭnaha miesca žycharstva.
Pavodle słoŭ namieśnika hałoŭnaha doktara pa miedycynskaj častcy Haradskoj stancyi chutkaj miedycynskaj dapamohi Paŭła Udoda, tolki ŭ Minsku z 9 śniežnia 2016 hoda z chaładovymi abo hałalodnymi traŭmami źviarnułasia 1.200 čałaviek. Ź ich kala 230 čałaviek było špitalizavana.
