Hienierał-lejtenant u adstaŭcy Majkł Flin byŭ pryznačany prezidentam ZŠA Donaldam Trampam na pasadu daradcy pa nacyjanalnaj biaśpiecy, adnak jahonyja mahčymyja suviazi z Rasijaj vyklikali krytyku naziralnikaŭ.
Flin na mitynhu prychilnikaŭ Trampa padčas vybarčaj kampanii. Fota Reuters
Hazieta The Wall Street Journal, spasyłajučysia na krynicy paviedamiła ŭ niadzielu viečaram, što kontrvyviedka ZŠA ciapier rasśleduje suviazi Flina z pucinskimi ŭradoŭcami.
U pryvatnaści, uvahu śpiecsłužbaŭ pryciahnuli niekalki telefonnych razmovaŭ Flina z ambasadaram RF u ZŠA Siarhiejam Kiślakom 29 śniežnia, kali administracyja prezidenta Baraka Abamy abjaviła pra novyja sankcyi suprać Maskvy ŭ adkaz na rasijskija kibierataki.
Pres-sakratar Biełaha doma Sara Sanders zajaviła, što administracyja Trampa nie viedaje pra rasśledavańnie i jahonyja pryčyny.
Raniej Šon Spajsier, pres-sakratar pierachodnaj kamandy Trampa, paviedamlaŭ, što kantakty Flina z Kiślakom byli źviazanyja z arhanizacyjaj telefonnaj razmovy pamiž Trampam i Pucinym.
