Samym naviedvanym zamiežnymi turystami horadam śvietu nazvany Hankonh. Da takoha mierkavańnia pryjšli śpiecyjalisty daśledčaj arhanizacyi Euromonitor, jakija vyvučyli mižnarodnyja prybyćci za 2014—2015 hod. Spravazdača apublikavana na sajcie kampanii.
Usiaho ŭ 2015 hodzie ŭ Hankonh pryjechała amal 27 miljonaŭ padarožnikaŭ z-za miažy. Pośpiech horada ekśpierty kampanii źviazvajuć ź jaho papularnaściu ŭ kitajskich turystaŭ i prychilnaściu da naviedvańnia byłoj kałonii ŭ brytancaŭ.
Na druhim radku rejtynhu raźmiaściŭsia Banhkok (18,7 miljona), na treciaj — Łondan (18,6 miljona). Taksama ŭ dziasiatku najbujniejšych turystyčnych centraŭ śvietu ŭvajšli Sinhapur, Paryž, Makaa, Dubaj, Stambuł, Ńju-Jork i Kuała-Łumpur.
U rejtynh z 100 haradoŭ taksama trapili dva nasielenyja punkty z postsavieckaj prastory. Maskva zaniała 42-ju pazicyju (4,42 miljona zamiežnych turystaŭ), Sankt-Pieciarburh — 70-ju (2,8 miljona haściej z-za miažy).
