Čatyry čałavieki atrymali traŭmy ŭ DTZ, jakoje adbyłosia 28 studzienia, kala 19.50, na skryžavańni praśpiekta Mašerava i vulicy Bahdanoviča. Pra heta raspaviała pradstaŭnik DAI Centralnaha rajona Anastasija Radźko.
— Aŭtamabil BMW, jakim kiravaŭ 23-hadovy vadziciel, jechaŭ pa praśpiekcie Mašerava z boku vulicy Kujbyšava ŭ napramku vulicy Krapotkina ŭ pieršaj pałasie. Na skryžavańni z vulicaj Bahdanoviča jon sutyknuŭsia z maršrutnym taksi, jakoje zbočvała naleva, — skazali ŭ DAI.
U vyniku DTZ traŭmy roznaj stupieni ciažkaści atrymali čatyry čałavieki: dva pasažyry maršrutki i dva pasažyry BMW. Paciarpiełych dastavili ŭ balnicu dla ahladu. Kiroŭca lehkavuški i 31-hadovy kiroŭca maršrutki nie paciarpieli.
0
0
0
0
0
0