Jak paviedamiŭ BiełaPAN aficyjny pradstaŭnik Bresckaha abłasnoha ŭpraŭleńnia MNS Siarhiej Mašnoŭ, 27 studzienia ŭ 15.26 u centr apieratyŭnaha kiravańnia pastupiła paviedamleńnie ad Bresckaha śmiećciepierapracoŭčaha zavoda ab pieravyšeńni fonu ianizujučaha vypramieńvańnia ŭ aŭtamabili, jaki prajechaŭ praz kantrolnuju rampu.
Ratavalniki, prybyŭšy na miesca vykliku, vyjavili pieravyšeńnie radyjacyjnaha fonu ŭ zadniaj častcy kuzava śmiećciavoza. Aŭtamabil pastavili na asobnuju stajanku, vystavili ačapleńnie ŭ radyusie 20 mietraŭ.
Pry sartavańni śmiećcia znojdzieny pakiet z adnarazovym padhuzkam. Kala pakieta było zafiksavanaje pieravyšeńnie normy radyjacyjnaha fonu ŭ 37,5 razu. Za 1,5 mietra fonavyja značeńnia byli ŭ normie.
Papiaredni analiz rečyva, jaki znachodzicca ŭ padhuzku, pakazaŭ, što heta jod-131. Pieryjad jaho paŭraspadu składaje 8 sutak, praz 48 sutak ŭstalujucca dapuščalnyja fonavyja značeńnia.
Pakiet źmieščany ŭ mietaličnuju skryniu da ŭtylizacyi.
