Aptymizacyja ŭ Administracyi prezidenta Biełarusi adbudziecca na 30%. Pra heta paviedamiła žurnalistam kiraŭnik Administracyi Natalla Kačanava pa vynikach praviedzienaj u kiraŭnika dziaržavy narady.
«Siońnia razhledžanyja hetyja pytańni, prapanavanaja struktura. Budzie skaročana kala 30% dziaržaŭnych słužačych, jakija pracujuć u Administracyi prezidenta. Struktura Administracyi nievialikaja — heta 108 dziaržsłužačych u toj novaj štatnaj kolkaści, jakuju my siońnia prapanavali», - zajaviła Natalla Kačanava.
Jana adznačyła, što praca pa aptymizacyi štatnaj kolkaści zaŭsiody niaprostaja, bo źviazana z žyćciom i losami ludziej. Zychodziačy z hetaha, skaračeńnie zbolšaha adbudziecca za košt vakansij, jakija buduć vyzvalacca ŭ suviazi z sychodam rabotnikaŭ na piensiju. Inšym pasprabujuć dapamahčy z pracaŭładkavańniem ŭ inšyja arhanizacyi i ŭstanovy, dzie budzie patreba ŭ adpaviednych śpiecyjalistach.