«My bačym, što pahrozy roznyja, jany ŭzrastajuć, u tym liku my z zaniepakojenaściu čakajem vučeńniaŭ «Zachad-2017», padčas jakich kancentrujucca šmatlikija i ahresiŭnyja siły, idzie demanstratyŭnaja padrychtoŭka da vajny z Zachadam», — skazała Hrybaŭskajcie pradstaŭnikam ŚMI ŭ Ryzie.
Pavodle jaje słoŭ, pahrozy z Uschodu vymušajuć krainy Bałtyi prasić partnioraŭ pra dadatkovyja harantyi biaśpieki, naprykład, pra chutkaść pryniaćcia rašeńniaŭ u NATA.
Prezident taksama vykazała nadzieju abmierkavać na nastupnym tydni pytańni biaśpieki ź vice-prezidentam ZŠA Majkam Piensa. Jana spadziajecca, što kantakt z novaj administracyjaj ZŠA budzie «vielmi ciesnym».
Staršynia Kamiteta siejma Litvy pa nacyjanalnaj biaśpiecy i abaronie Vitaŭtas Bakas u čaćvier skazaŭ, što vučeńni «Zachad-2017», pa ŭsioj bačnaści, buduć najbujniejšymi ŭ historyi vučeńniami la miežaŭ Litvy.
Dyrektar Departamienta dziaržbiaśpieki Darus Jaŭniškis, u svaju čarhu, skazaŭ, što «Zachad-2017» sioleta buduć hałoŭnym vyklikam dla nacyjanalnaj biaśpieki Litvy.
