Premjer-ministr Andrej Kabiakoŭ daručyŭ Ministerstvu architektury i budaŭnictva pavialičyć ekspart budaŭničych pasłuh. Ab hetym kiraŭnik urada zajaviŭ siońnia na pasiadžeńni Prezidyuma Savieta Ministraŭ, dzie abmiarkoŭvalisia vyniki sacyjalna-ekanamičnaha raźvićcia Biełarusi ŭ studzieni 2017 hoda i miery pa vychadzie na dadatnuju dynamiku rostu ekanomiki ŭ I kvartale.
«Što naściarožvaje - pradaŭžaje źnižacca vałavaja dabaŭlenaja vartaść u budaŭnictvie. Studzień biahučaha hoda nižejšy za studzień dvuchhadovaj daŭnaści na 27,5 pracenta», — adznačyŭ Andrej Kabiakoŭ.
Ekspart budaŭničych pasłuh choć i vyras u 2016 hodzie na 3,6 pracenta, ale heta tolki za košt Minska i Minskaj vobłaści. U Viciebskaj i Homielskaj abłaściach ekspart budaŭničych pasłuh źniziŭsia bolš jak u 2 razy, u Mahiloŭskaj - źnižeńnie na 42 pracenty. Brest i Hrodna taksama adstajuć (minus 12,8 i 13,7 pracenta adpaviedna).
«Prašu namieśnika ministra architektury i budaŭnictva dałažyć, jakija miery prymajucca, kab kardynalna źmianić situacyju. Jakaja rabota viadziecca pa naroščvańni ekspartu pasłuh, jak rehulujecca heta śfiera zadač ministerstvam», — zapatrabavaŭ kiraŭnik urada.
