Minčuk Siarhiej Palčeŭski pakłaŭsia pad koły hruzavika i prykavaŭ siabie kajdankami da bampiera, kab spynić budaŭničyja raboty ŭ Zialonym Łuzie kala Kurapat.
«Budu lažać, pakul nie zdochnu», — skazaŭ 30-hadovy Palčeŭski. Jon kaža, što pajšoŭ na krajnie krok, bo nie bačyć inšych šlachoŭ spynić budaŭnictva na placoŭcy, jakaja raniej uvachodziła ŭ eskiznuju achoŭnuju zonu miemaryjała, a ciapier znachodzicca na hranicy achoŭnaj zony.
Siarhiej Palčeŭski skončyŭ Biełaruski dziaržaŭny piedahahičny ŭniviersitet, a ciapier pracuje cieślarom. Jon aktyvist hramadskaha ruchu «Małady front».
Supracoŭniki Ministerstva pa nadzvyčajnych situacyjach adčapili mužčynu ad hruzavika, a milicyja sprabavała zatrymać jaho, ale žychary Minska, što sabralisia pobač, nie dali hetaha zrabić. Voś videa «Našaj Nivy»:
Naviny ź miesca padziej ad karespandentaŭ «Našaj Nivy» ŭ režymie anłajn — TUT.
