Zapał vakoł udziełu Rasii ŭ «Jeŭrabačańni» nie słabieje, niahledziačy na toje što Pieršy kanał pakul nie vyznačyŭsia z udzielnikam konkursu.
Mnostva ekśpiertaŭ muzyčnaj industryi syšlisia ŭ mierkavańni — u hetym hodzie Rasii «śviecić» samaje ciažkaje «Jeŭrabačańnie». Ihnaravać konkurs sioleta Rasiju zaklikaŭ samy haračy fanat i pieradavy ekśpiert «Jeŭrabačańnia» — Filip Kirkoraŭ. U razmovie sa ŚMI Kirkoraŭ patłumačyŭ svaju pazicyju.
«Mnie niecikavy hety konkurs z peŭnaha etapu jaho isnavańnia, a dakładniej ź minułaha hoda. Dla mianie jon u niejkim sensie pierastaŭ isnavać. Ja hłyboka rasčaravany jaho palityzavanaściu i anhažavanaściu. Ja nie asprečvaju pieramohu śpiavački z Ukrainy Džamały: za jaje taksama hałasavali žychary Jeŭropy, jak za Siarožu Łazarava. Ale ŭ hladackim hałasavańni pieramoh Siarhiej. Tym nie mienš, u toj čas jak ludzi adpraŭlali SMS za jaho, prafiesijnaje žury hetych ža krain pastaviła jamu nul. Nastolki vidavočnaja praduziataść i źviadzieńnie rachunkaŭ z Rasijaj, što mnie absalutna niecikava mieć spravu z arhanizacyjaj, jakaja ihnaruje maju krainu, pryčym tak hruba i tak niepryhoža. I vam raju pamienšyć svaju cikavaść da hetaha konkursu, pakul jany nie naviaduć tam paradak. Ja b uvohule nikoha nie adpraŭlaŭ tudy ŭ hetym hodzie!»
