Fota Ułada Šviadoviča
5 hadoŭ pazbaŭleńnia voli ŭ papraŭčaj kałonii va ŭmovach pasialeńnia zapytała abvinavačvańnie dla byłoha v.a. načalnika Baranavickaj DAI Andreja Vaŭkavyckaha, jaki abvinavačvajecca ŭ avaryi, jakaja zabrała žyćcio 36-hadovaj Volhi Strałkoŭskaj. Pra heta TUT.BY paviedamili ŭ sudzie Lachavickaha rajona.
Baćka Volhi Strałkoŭskaj u sudzie zajaviŭ hramadzianski pazoŭ, u jakim prosić spahnać z abvinavačanaha 94 tysiač rubloŭ maralnaj škody. Šeść tysiač rubloŭ jon užo atrymaŭ ad Vaŭkavyckaha.
Andrej Vaŭkavycki abvinavačvajecca ŭ parušeńni PDR u jakaści asoby, jakaja kiravała transpartnym srodkam u stanie ałkaholnaha apjanieńnia, jakoje paciahnuła pa nieaściarožnaści śmierć čałavieka (č. 4 art. 317 KK Biełarusi). Sankcyja artykuła praduhledžvaje da 7 hadoŭ pazbaŭleńnia voli. Da źmiakčalnych abstavinaŭ adnieśli pryznańnie abvinavačanym svajoj viny i najaŭnaść na ŭtrymańni niepaŭnaletnich dziaciej.
Prysud pa rezanansnaj spravie abvieściać 3 sakavika ŭ 17.00.