 |
U barysaŭskim sudzie šukali bombu, u Miensku «miniravali» «Žuravinku». Tym časam, u staličnych balnicach zastajucca 12 paciarpiełych ad vybuchu 4 lipienia.
U piatnicu 25 lipienia niejki žychar Barysava paviedamiŭ u milicyju, što ŭ rajonie rajonnaha sudu byŭ znojdzieny padazrony plastykavy pakiet. Na miesca, dzie była znojdziena «vybuchoŭka» była vyklikanaja rota sapioraŭ, vystaŭlena ačapleńnie, a taksama adbyłasia evakuacyja hramadzian, što znachodzilisia pobač.
Zrešty, nijakaha tratyłu sapiory nie znajšli. Jak potym vyśvietliłasia, pakiet pakinuŭ miascovyja pjančuha, paviedamlaje «Borisov elektronnyj».
A ŭ Miensku milicyja zaviała kryminalnuju spravu na žančynu, jakaja ŭ subotu paviedamiła pra miniravańnie zabaŭlalnaha kompleksu «Žuravinka». 36-hadovaja miančučka była zatrymanaja praź piać chvilin paśla telefanavańnia.
Tym časam, jak paviedamlaje BiełaPAN, u staličnych balnicach zastajucca 12 paciarpiełych pry vybuchu ŭ Miensku 4 lipienia. Adzin z paciarpiełych pa-raniejšamu znachodzicca ŭ ciažkim stanie, u jaho šmatlikija traŭmy, va ŭsich astatnich — stan narmalny.
Bolšaść paciarpiełych — šeść čałaviek — prachodziać lačeńnie ŭ 6-j haradzkoj kliničnaj balnicy stalicy, dva — u balnicy chutkaj medycynskaj dapamohi, pa adnym — u 4-j haradzkoj balnicy, Respublikanskim navukova-praktyčnym centry traŭmatalohii i artapedyi, u 2-j haradzkoj balnicy, 432-m Hałoŭnym vajennym kliničnym medycynskim centry.
