Biełaruś na sumiesnaj ź Minsielhasam Rasii kalehii płanuje abmierkavać pastaŭki svajoj pradukcyi. Kiraŭnik Minsielhascharča Biełarusi Leanid Zajac taksama zaprasiŭ na kalehiju svajho rasiejska kalehu Alaksandra Tkačova i kiraŭnika Raśsielhasnahladu Siarhieja Dankvierta. Pra heta Leanid Zajac raspavioŭ u intervju ria.ru.
www.souzveche.ru
Pavodle jaho słoŭ, kalehija pavinna adbycca ŭ sakaviku. Rasijskamu boku była nakiravana prapanova pravieści jaje da 10 sakavika, ale jana pakul zastałosia biez adkazu. Na pasiadžeńni płanujecca abmierkavać pytańni pa pastaŭkach pradukcyi ź Biełarusi ŭ Rasiju i z Rasii ŭ Biełaruś, a taksama pryniać tak zvany charčovy bałans — bałans pastavak charčovaj pradukcyi na rynki.
«Z zadavalnieńniem chaču zaprasić i Dankvierta, i ministra sielskaj haspadarki dla taho, kab my naładzili našy adnosiny ŭ častcy pastavak praduktaŭ charčavańnia na rynki Rasijskaj Fiederacyi i Respubliki Biełaruś. Z zadavalnieńniem sustreniem, pakažam našy pradpryjemstvy, raskažam pra ŭsio. Treba ž niejak sustrakacca, treba damaŭlacca», — skazaŭ Zajac.
Na ŭdakładniajučaje pytańnie, ci moža jon harantavać, što Dankviert vierniecca na radzimu paśla vizitu, adkazaŭ: «Niesumnienna! Viadoma, adpravim».
«A kali byli pieraškody hramadzianam Rasijskaj Fiederacyi? Precedentaŭ takich niama. Ich i nie budzie. Navošta bajacca? U nas pravavaja dziaržava, biaśpiečnaja dziaržava, i my možam harantavać biaśpieku luboha, jaki zajechaŭ na terytoryju Biełarusi», — dadaŭ ministr.
Ź lutaha Alaksandr Łukašenka ŭ čas sustrečy z žurnalistami i ekśpiertnaj supolnaściu zajaviŭ, što ŭ dačynieńni da kiraŭnika Raśsielhasnahlada Siarhieja Dankvierta treba raspačać kryminalnuju spravu. U adkaz na heta kiraŭnik Raśsielhasnahlada Siarhiej Dankviert rekamiendavaŭ navieści paradak na biełaruskich pradpryjemstvach. 7 lutaha Ministerstva ŭnutranych spraŭ Biełarusi zajaviła, što pravodzicca šerah daśledčych pravierak pa dziejańniach, jakija źmiaščajuć prykmiety dyskredytacyi dziełavoj reputacyi biełaruskich pradpryjemstvaŭ.
9 lutaha Raśsielhasnahlad adkłaŭ vizit svaich supracoŭnikaŭ u Biełaruś. Rašeńnie patłumačyli tym, što «ŭ šerahu supracoŭnikaŭ jość aściarohi ŭ mahčymych pravakacyjach ź biełaruskaha boku». Kiraŭnik ža Raśsielhasnahlada taksama nahadaŭ pra los Uładzisłava Baŭmhiertniera (eks-kiraŭnika «Urałkalija», jaho ŭ 2013 hodzie aryštavali ŭ aeraporcie supracoŭniki KDB, kali top-mieniedžar pajechaŭ u Minsk na pieramovy z premjer-ministram Biełarusi, i abvinavacili ŭ złoŭžyvańni paŭnamoctvami, a potym i ŭ bujnych kradziažach) i zajaviŭ, što kali i pryjedzie ŭ Biełaruś, to «tolki z telebačańniem».
