U Vilejcy pakarali rabočych, jakija rabili «jamačny ramont» u łužynie na darozie. Im abvieścili dyscyplinarnyja vymovy, a niekatorych pazbavili premii.
U Vilejskim rajvykankamie Jeŭraradyjo patłumačyli, što nasamreč rabili darožnyja rabočyja. Videa, na jakim byli zafiksavany ich dziejańni (jany sypali niejki materyjał adrazu ŭ łužynu), napiaredadni źjaviłasia na YouTube. Jany parušyli technałohiju, raspaviała Jeŭraradyjo načalnica adździeła žyllova-kamunalnaj haspadarki rajvykankama Volha Małafiej.
«Jany kidali z šufla ŭ łužynu materyjał, jany musili vymieści vadu i zasypać materyjał u jaminu. Sprava ŭ tym, što heta nie asfalt, a hranulatar sa staroha asfaltu. Jaho vykarystoŭvajuć pad jamačny ramont».
Čynoŭnica dadała, što ciapier asfalt nie ŭkładvajuć, bo zavody jaho nie robiać. Tamu ad takoj zasypki nijakich strataŭ niama, prosta parušana technałohija.
