Kolkaść nielehalnych mihrantaŭ, jakija prybyvajuć u ZŠA praź miažu ź Mieksikaj, skaraciłasia na 40% za pieršyja dva miesiacy biahučaha hoda, paviedamiŭ ministr unutranaj biaśpieki krainy Džon Kieli.
Pa słovach Kieli, kolkaść zatrymańniaŭ na miažy ZŠA ź Mieksikaj u lutym akazałasia samaj nizkaj za apošnija piać hadoŭ, piša VVS.
Pavodle danych pamiežnaj słužby ZŠA, u studzieni pry pierasiačeńni paŭdniovaj miažy byli zatrymanyja 31578 čałaviek, a ŭ lutym — 18762 čałavieki.
«Z taho momantu, jak prezident Tramp zaniaŭ pasadu 20 studzienia, my ŭbačyli surjozny spad (kolkaści mihrantaŭ). Heta dobraja tendencyja, jana aznačaje, što mienš ludziej padviarhajuć siabie i svaje siemji ryzycy napadaŭ z boku handlaroŭ ludźmi», — skazaŭ Kieli.
Jon taksama dadaŭ, što košt niezakonnych pasłuh pa pierapraŭleńni mihrantaŭ praz paŭdniovuju miažu ŭzros z 3,5 tysiač dalaraŭ da 8 tysiač dalaraŭ.
Abmiežavańnie nielehalnaj mihracyi, u tym liku ź Mieksiki, było adnym z klučavych pieradvybarnych abiacańniaŭ Donalda Trampa.
