Alaksandr Łukašenka nazvaŭ umovy dla sumiesnaj pracy Biełarusi i pradpryjemstva «Urałkalij», paviedamlaje BIEŁTA.
Pa jaho słovach, heta supracoŭnictva mahčymaje tolki pry ŭmovie, što «Urałkalij» budzie vykonvać intaresy Biełarusi na 200%. Zasłuchoŭvajučy dakład pra asobnyja pytańni dziejnaści Biełaruskaj kalijnaj kampanii, Łukašenka raskazaŭ pra častyja zvaroty da jaho z boku rasijskich pradstaŭnikoŭ ab adnaŭleńni ŭzajemadziejańnia z «Biełaruśkalijem» pa vytvorčaści i prodažy uhnajeńniaŭ.
Na sustreču z kiraŭnikom dziaržavy byli zaprošanyja hienieralny dyrektar Biełaruskaj kalijnaj kampanii Alena Kudraviec, hienieralny dyrektar AAT «Biełaruśkalij» Ivan Hałavaty i staršynia Biełaruskaha dziaržaŭnaha kancerna pa nafcie i chimii Ihar Lašenka.
Łukašenka zajaviŭ, što rasijski bok uśviadomiŭ, nakolki składana pracavać u hetym siehmiencie ŭ adzinočku, tym bolš ubačyŭšy, nakolki žyćciastojkim akazaŭsia biełaruski kalijny kambinat. Bolš taho, pa słovach Łukašenki, va «Urałkalija» źjaviłasia novaje kiraŭnictva, jakoje raźličvaje na viartańnie da sumiesnaj ź Biełaruśsiu pracy.
«Ale tam intaresy Biełarusi pavinny być vykananyja ŭžo na 200%, a nie na 100%. My ŭžo najelisia hetaj sumiesnaj pracy, tamu, kali pracavać razam, to — z terytoryi Biełarusi, ščyra i pryncypova damoviŭšysia pa ŭsich pytańniach, i ŭ hetym klučy dziejničać. My nie pojdziem ni na jakija sastupki, ale hatovyja da kampramisaŭ. Ale hetyja kampramisy pavinny być uzajemavyhadnymi», — padkreśliŭ Łukašenka.
