U Viciebsku 9 sakavika pabityja dva tempieraturnyja rekordy, paviedamili BIEŁTA ŭ abłasnym centry hidramietearałohii i manitorynhu navakolnaha pryrodnaha asiarodździa.
«9 sakavika ŭ Viciebsku abnavilisia dva tempieraturnyja rekordy. Pabityja maksimumy siaredniasutačnaj i dzionnaj tempieratury. Novyja značeńnia — 7,2 i 11,5 hradusa ciapła adpaviedna. Papiarednija maksimalnyja pakazańni — 6,8 hradusa (siaredniesutačnaja tempieratura) i 9,3 hradusa (dzionnaja) byli zafiksavanyja ŭ 2015 hodzie», — kanstatavali ŭ abłhidramiecie.
Što ž tyčycca 10 sakavika, to samym ciopłym hety dzień byŭ u 2014 hodzie — 14,2 hradusa ciapła, a samaja ciopłaja noč adznačanaja ŭ 2015-m — 4,8 hradusa sa znakam plus. Darečy, minułaj nočču ŭ Viciebsku było tolki 2,2 hradusa ciapła. Samym chałodnym dzień 10 sakavika byŭ u Viciebsku ŭ 1940 hodzie — 6,5 hradusaŭ marozu, a nočču 1962-ha termomietry apuścilisia da 20,1 hradusa nižej za nul. Samym śniežnym hety dzień byŭ u 1985 hodzie — vyšynia śniežnaha pokryva ŭ Viciebsku dasiahała 62 sm.
