Praciah sudu nad błohierami Siarhiejem Piatruchinym i Dźmitryjem Harbunovym za akcyju, što prajšła ŭ Breście 5 sakavika, mieŭsia pačacca 9.30 u Leninskim sudzie.
Siarhiej Piatruchin i Dźmitryj Harbunoŭ
U Baranavičach adbuducca sudy nad tryma mužčynami, jakija vystupili padčas mitynhu na miascovym Maršy niedarmajedaŭ 26 lutaha. Pakul viadomyja imiony tolki dźviuch z troch asobaŭ, jakich buduć sudzić. Heta Michaił Strelčyk i Barys Šyrynha. Sudy nad imi pačnucca ab 11.30.
Napiaredadni sud pieranios razhlad ichnaj spravy, bo jany zapatrabavali zaklučeńnia damovaŭ z advakatami.
Siońnia ŭ Hrodnie a 10-j hadzinie pačynajucca sudy nad 11-ciu ŭdzielnikami «Marša niedarmajedaŭ», jaki adbyŭsia 19 lutaha. Pozvy ŭ sud atrymali Vadzim Sarančukoŭ, Ježy Hryhienčy, Alaksandr Abuchovič, Siarhiej Vieramiejenka, Volha Vieramiejenka, Anatol Myškievič, Mikałaj Salanik, Iryna Davidovič, Vital Hulak, Halina Łamaševič i Anton Vojciechaŭ.