Tendencyi i situacyju ŭ ekanomicy Biełarusi abmiarkujuć na pašyranaj spravazdačy ŭrada pierad kiraŭnikom dziaržavy.
Padrychtoŭka da hetaha mierapryjemstva, jakoje płanujecca pravieści paśla atrymańnia dadzienych za I kvartał, była abmierkavana siońnia na naradzie ŭ Alaksandra Łukašenki.
Pavodle słoŭ kiraŭnika krainy, u ciapierašni čas zajaŭlajecca pra stanoŭčyja tempy i dynamiku ŭ ekanomicy krainy. «Kab dakładna pierakanacca, ci jość hetaja dynamika, nam treba niejki pieryjad dla analizu. Nam treba ŭziać pieršy kvartał i arhanizavać hetu spravazdaču», - skazaŭ kiraŭnik dziaržavy.
Takim čynam pracesy, što adbyvajucca siońnia, možna budzie abjektyŭna analizavać nie tolki zychodziačy z vynikaŭ 2016 hoda, ale taksama majučy statystyčnyja dadzienyja ab pracy roznych siektaraŭ ekanomiki ŭ I kvartale 2017-ha. «My možam sprahnazavać i pahladzieć, jak u nas raźvivajucca padziei. Ja adkryta pra heta kažu, kab nie zdaryłasia tak, što my dzieści pakrytykujem dobra ŭrad, prymiem niejkija zachady pa ŭradu, a na samaj spravie dynamika stanoŭčaja», - adznačyŭ Alaksandr Łukašenka.
Na naradzie taksama byli abmierkavany forma i źmiest budučaj spravazdačy. Mierapryjemstva daručana pravieści ŭ pašyranym farmacie, na jaho buduć zaprošanyja bolš za 300 čałaviek.
U pryvatnaści, vialikaje pradstaŭnictva kiraŭnik dziaržavy choča bačyć z boku viertykali ŭłady ŭ rehijonach, dyrektaraŭ pradpryjemstvaŭ i arhanizacyj - ludziej, jakija bačać i viedajuć abstanoŭku na miescach.