Supracoŭniki pravaachoŭnych orhanaŭ vyjavili cieła źnikłaj try miesiacy tamu šmatdzietnaj maci sa Stolinskaha rajona, paviedamiŭ BIEŁTA aficyjny pradstaŭnik UUS Bresckaha abłvykankama padpałkoŭnik milicyi Siarhiej Dučenka.
Cieła 35-hadovaj žycharki vioski Struha supracoŭniki Stolinskaha RAUS vyjavili padčas praviadzieńnia apieratyŭna-vyšukovych mierapryjemstvaŭ. Jaje trup biez prykmiet hvałtoŭnaj śmierci dastali z voziera Jacień pablizu vioski Jamnaje. U ciapierašni čas ekśpierty vyśviatlajuć pryčynu hibieli žančyny.
Žančyna źnikła ŭ śniežni 2016 hoda. Maci čatyroch niepaŭnaletnich dziaciej uviečary viartałasia z pracy, adnak da chaty nie dajšła. Žančyna adna hadavała dźviuch dačok i dvuch synoŭ. Jany byli časova źmieščanyja ŭ sacyjalna-piedahahičny prytułak u pracoŭnym pasiołku Rečyca.