Palicyja Bierlina abviaściła, što ŭ padazronym skrutku, jaki byŭ znojdzieny ranicaj 15 sakavika ŭ ministerstvie finansaŭ krainy i spravakavaŭ častkovuju evakuacyju budynka z-za pahrozy vybuchu, sapraŭdy akazałasia vybuchovaje prystasavańnie, paviedamlaje VVS.
Pavodle danych palicyi, bomba była samarobnaj. Jana składałasia z kampanientaŭ, jakija zvyčajna vykarystoŭvajucca dla vytvorčaści piratechniki, i była sprajektavanaja tak, kab nanieści surjoznyja kalectvy tamu, chto ŭskryje skrutak.
U palicyi nie ŭdakładnili, ci jość u ich užo padazravanyja ŭ stvareńni bomby i jaje dastaŭcy ŭ ministerstva finansaŭ. Taksama palicejskija nie paviedamili, ci bačać u tym, što zdaryłasia, prykmiety teraryzmu.
U samim minfinie zdareńnie kamientavać admovilisia.
