Padletak adkryŭ stralaninu ŭ francuzskim licei Aleksisa de Takvila u horadzie Hras na poŭdni krainy, paviedamlaje VVS. Ahienctva Rejter sa spasyłkaj na pres-słužbu palicyi paviedamlaje ab vaśmi paranienych, francuzskija ŚMI pišuć pra dvuch-troch paciarpiełych.
Pavodle danych ŚMI, 17-hadovy vučań liceja ŭ Hrasie (departamient Alp-Marycim), uzbrojeny dvuma pistaletami i strelbaj, pranik u budynak navučalnaj ustanovy i adkryŭ ahoń.
Jak miarkujecca, jon chacieŭ zastrelić dyrektara liceja. Pavodle danych haziety Figaro, apošni atrymaŭ ranieńnie ŭ ruku, ale vyžyŭ. Padazravany zatrymany.
Pa infarmacyi haziety Le Monde, vartavyja paradku abiasškodzili vybuchnuju pryładu na asnovie dymnaha porachu, jakaja była vyjaŭlenaja ŭ budynku liceja.
Pavodle papiarednich vynikaŭ rasśledavańnia, napadnik dziejničaŭ u adzinočku. Paviedamlajecca, što ŭsich paciarpiełych jon paraniŭ z drabavika. Akramia strelby i dvuch pistaletaŭ u maładoha čałavieka znajšli dźvie navučalnyja hranaty.
Palicyja pakul nie paviedamlaje, rasceńvaje jana zdareńnie jak terakt ci jak zvyčajnaje złačynstva, jakoje nie maje terarystyčnaj padaploki.
