Hetaje zabojstva skałynuła nia tolki pasiołak u Łuninieckim rajonie. Trup mužčyny ź siečanymi ranami hałavy byŭ znojdzieny 26 lipienia. Śledčyja orhany pa haračych śladach vyjavili zabojcu. Im akazaŭsia 13‑hadovy chłopčyk. Siakieraj chłapčuk raspraviŭsia z sužycielem svajoj maci za hrubyja adnosiny da jaho.
30‑hadovaja mama troch dziaciej u tuju noč doma nie była. Što zdaryłasia miž niećviarozym mužčynam i padletkam, śledztva pakul nia kaža. Adnak vynik, ad jakoha stynie kroŭ, vymušaje zadumacca.
Šmatdzietnaja maci jak‑nijak, ale pracuje ŭ SVK «Chvajeckaje», kudy była ŭładkavanaja pa patrabavańni pravaachoŭnych orhanaŭ, kab apłočvać utrymańnie mienšaha dziciaci, źmieščanaha ŭ sacyjalny prytułak. Za amal dobrasumlennaje staŭleńnie žančyny da pracy dzicionka ŭ siamju viarnuli.
U Łuninieckim sielsaviecie siamju charaktaryzujuć jak niepaśpiachovuju: maci nieadnarazova vyklikali na kamisiju pa baraćbie z pjanstvam. Jana nie prychodziła. Ciapier haruje pa stracie «karmilca», jaki nidzie nie pracavaŭ, ale akuratna składaŭ kampaniju za čarkaj.
Dzieci siońnia ŭsie znachodziacca ŭ sacyjalnym prytułku.
Dla ŭsioj škoły heta byŭ prosta šok, raskazali nastaŭniki. Siem klasaŭ chłopčyk skončyŭ narmalna, zaŭždy akuratny, pavažlivy, zyčlivy j pasłuchmiany, pryhladaŭ za mienšymi siastroj i bratam.
Jakuju mieru pakarańnia vyznačyć sud — pakul nieviadoma. Moža być, junaha złačyncu adpuściać, bo jamu nia spoŭniłasia 14 hadoŭ, a mahčyma, jon budzie praciahvać navučańnie ŭ škole specyjalnaha typu.
