Alaksandr Łukašenka siońnia ŭ čas sustrečy ŭ Mahilovie z pracoŭnymi kalektyvami pradpryjemstvaŭ kampanii «Kranaspan» padkreśliŭ, što spraviadlivaje cenaŭtvareńnie — adno z važniejšych pytańniaŭ dla krainy, i jaho buduć adsočvać vielmi surjozna, pieradaje BIEŁTA.
Jon zadaŭsia pytańniem, čamu ceny na cukar, kali nie chłusić statystyka, vyraśli na 20-25 pracentaŭ? «Adkul? U nas ža svaje zavody, my vyrablajem cukru ŭ dva razy bolš, čym nam treba. Adzinaja moža być pryčyna, što vysokija ceny na cukar u Rasii, Ukrainie, — vakoł. Tady nikudy nie dzieniešsia, treba, kab była roŭnaja cana. Kali jana budzie vielmi nizkaja, cukar uvieś vyviezuć, - rastłumačyŭ Alaksandr Łukašenka. — Ale mnie kažuć, što ŭžo ŭ Biełarusi cukar vyšejšy pa košcie, čym u Rasii».
Razam z tym kiraŭnik dziaržavy dadaŭ, što deflacyja — heta niebiaśpiečny praces. «Kali ceny padajuć, adrazu ž zatavarvajecca vytvorčaść, zbytu pradukcyi niama, popytu na pradukcyju niama. A značyć, pradpryjemstva nie płacić zarabotnuju płatu i ź ciaham času zakryvajecca», — adznačyŭ jon.
Niemałavažnymi pytańniami, jakija patrabujuć vyrašeńnia, Alaksandr Łukašenka taksama nazvaŭ nieabchodnaść pavyšeńnia zarabotnaj płaty i pracoŭnuju zaniataść.
«Dla nas vielmi važna zaniataść mienavita na novych pradpryjemstvach, voś takich pradpryjemstvach. Ale ja nie suprać, kali buduć stvaracca maleńkija pradpryjemstvy: 3, 5, 10, 15, 40, 50 čałaviek - niavažna. I na takich pradpryjemstvach pavinny ludzi pracavać, - upeŭnieny biełaruski lidar. - Potym ja absalutna nie suprać, kali na starych pradpryjemstvach buduć stvaracca vytvorčaści i tam buduć zadziejničany ludzi. Hałoŭnaje, kab heta była narmalnaja rabota».
