Hałandskija navukoŭcy praviali daśledavańnie, u vyniku jakoha vyśvietlili, što choład u pamiaškańni i na vulicy źnižaje ryzyku raźvićcia atłuścieńnia i dyjabietu druhoha typu, paviedamlajuć infarmahienctvy.
Daśledčyki vyvučyli danyja pa siarednich tempieraturach i dyjabiecie ŭ piacidziesiaci štatach ZŠA, na vostravie Huam, Puerta-Ryka, a taksama Virhinskich astravach. Heta pakazała, što čym ciaplej, tym bolš ludziej, jakija pakutujuć na dyjabiet. Śpiecyjalisty vyjavili, što ŭ ludziej, jakija pravodziać šmat času ŭ ciopłych damach i ofisach, šaniec raźvićcia dyjabietu i atłuścieńnia prykmietna vyšejšy.
Heta adbyvajecca praz toje, što, čym ciaplej, tym mienš naša cieła vydatkoŭvaje enierhii na abahravańnie, z-za čaho moža raźvivacca dyjabiet druhoj stupieni i atłuścieńnie. Tamu navukoŭcy rajać spać z adkrytym aknom.
