RUP «Biełsajuzdruk» paśla bolš čym dziesiacihadovaha pierapynku narešcie padpisaŭ damovu na raspaŭsiud haziety «Novy čas» praz svaju handlovuju sietku.
Užo 8 krasavika žychary Minska i Minskaj vobłaści zmohuć nabyć hazietu ŭ bližejšaj kramie ci šapiku «Biełsajuzdruku». Jak abiacaje kiraŭnictva hetaj ustanovy, hazietu možna budzie nabyć praktyčna ŭ kožnaj handlovaj kropcy. Tamu my zaklikajem našych čytačoŭ spraŭdžvać hetu infarmacyju i paviedamlać u redakcyju pra adsutnaść haziety ŭ prodažy.
Rady taksama paviedamić, što na druhoje paŭhodździe 2017 hoda možna budzie padpisacca na «Novy čas» praz katałoh RUP «Biełpošta». Pra namier zaklučyć adpaviednuju damovu paviedamiła i heta ŭstanova.
Padpisny indeks i pra ŭmovy padpiski budzie paviedamlena dadatkova.
