Prezident Rasii Uładzimir Pucin paabiacaŭ palityčnuju padtrymku Biełarusi na mižnarodnych placoŭkach i padčas kantaktaŭ ź lidarami suśvietnych dziaržaŭ. Pra heta pa vynikach praviedzienych pieramoŭ raspavioŭ Alaksandr Łukašenka, pieradaje BIEŁTA.
Pa słovach kiraŭnika biełaruskaj dziaržavy, šmat času baki nadali abmierkavańniu prablem mižnarodnaha paradku dnia. «Asabliva tych pytańniaŭ, jakija datyčacca nas, našych susiedziaŭ, palityki Jeŭrasajuza. Abmianialisia dumkami pra ŭzajemaadnosiny z ZŠA, jak vybudoŭvać hetyja adnosiny», — skazaŭ Łukašenka.
«Ja, viadoma, prasiŭ Uładzimira Uładzimiraviča, kab jon nie zabyvaŭ i pra Biełaruś, vybudoŭvajučy adnosiny z bujnymi dziaržavami. Jaho čakajuć sustrečy ŭ «dvaccatcy». Ja atrymaŭ zapeŭnivańni ŭ padtrymcy nas na ŭsich forumach, jak heta jon rabiŭ i raniej», — zajaviŭ jon.
