Kiraŭnik Katalickaha kaścioła Biełarusi, Mitrapalit Minska-Mahiloŭski, arcybiskup Tadevuš Kandrusievič u interviju brytanskamu Catholic Herald zajaviŭ pra płany stvareńnia ŭ Biełarusi katalickaha ŭniviersiteta.
Kandrusievič šukaŭ padtrymki hetaj idei ŭ čas vizytu ŭ ZŠA 20—25 sakavika. Pavodle mitrapalita, jaho časta zaprašajuć vystupić u śvieckich univiersitetach na temy maralnych kaštoŭnaściaŭ i etyki:
«Našaje hramadstva adčuvaje hetuju nieabchodnaść. Jany kažuć: «Kali łaska, prychodźcie», — patłumačyŭ Kandrusievič.
Jon skazaŭ, što ŭ Minsku vystaŭleny na prodaž univiersitet, jość patencyjał dla jaho nabyćcia pry ŭmovie, što ciapierašnija studenty taho ŭniviersiteta buduć mieć mahčymaść skončyć kurs navučańnia.
Jon nie ŭpeŭnieny, što taki ŭniviersitet budzie mieć pośpiech, ale kaža: «My sprabujem zrušyć kamień».
Rašeńnie ab stvareńni ŭ Biełarusi bahasłoŭskaj akademii imia śviatoha Jana Paŭła II było pryniataje ŭ 2014 hodzie, akademija była zarehistravanaja ŭ 2015-m, ale dahetul nie maje svajho budynka.
