Žonka źniavolenaha błohiera Maksima Filipoviča Julija atrymała 4 krasavika list z homielskaha harvykankamu: jejnaha muža vyzvalili ad spłaty zboru na finansavańnie dziaržaŭnych vydatkaŭ za 2015 hod.
Fota lista apublikavaŭ u Facebook pravaabaronca Leanid Sudalenka. U liście Filipovič — 32-hi ŭ śpisie vyzvalenych ad padatku.
Filipovič tym časam bolš za 20 dzion znachodzicca za kratami, čakaje čaćviortaha sudu za akcyi «niedarmajedaŭ».
U 2015 hodzie Filipovič straciŭ pracu na homielskim pradpryjemstvie «Sejsmatechnika». Biez tłumačeńnia pryčynaŭ jamu nie praciahnuli kantrakt. Z vyšejšaj jurydyčnaj adukacyjaj i vialikim dośviedam pracy jon i siońnia zastajecca biespracoŭnym: z taho času novaha miesca pracy jon tak i nie znajšoŭ, ale atrymaŭ list ź Ministerstva pa padatkach i zborach, što musić spłacić padatak «na darmajedztva». Jon navat vyrašyŭ spłacić padatak, kali jamu zapišuć 183 biespracoŭnyja dni ŭ pracoŭnuju knižku. Adnak dekret prypynili, a śpisy «darmajedaŭ» udakładnili.
