Maładaja minskaja kamanda «Čas Łajna» zapisała himn dla futbolnaha kłuba «Isłač» i 8 krasavika prezientavała jaho na stadyjonie FK «Minsk».
Himn upadabali futbolnyja zaŭziatary «Isłačy», jakija padchapili pieśniu i ź jaje dapamohaj padtrymlivali svoj kłub.
«Pra «Isłač» my daviedalisia ŭ 2016 hodzie i adrazu natchnilisia jaho historyjaj, bo za davoli karotki čas amal sielskaja kamanda zdoleła prarvacca ŭ vyšejšy ešałon. My uvažliva sačyli za hulnioj kłuba ŭ Vyšejšaj lizie i pisali himn «Isłačy» ŭ «realnym časie». Pieršy siezon na vyšejšym uzroŭni akazaŭsia niaprostym dla kłuba, ale ž kamanda stryvała i dobra jaho zaviaršyła. Tamu naša pieśnia pra zmahańnie i ŭpartaść. Treba rušyć da kanca i nie zdavacca, niahledziačy na abstaviny, u jakich ty apynuŭsia».
«My imknulisia pieradać atmaśfieru, jakaja panuje na stadyjonie padčas dobraj hulni. Pieśnia pavinna ŭzdymać bajavy duch, kab nie tolki zaŭziatary, ale ž i futbalisty adčuli adrenalin i bilisia jak sapraŭdnyja vaŭki. Ale hetaja pieśnia nie tolki pra futboł. Zmahacca za svaje mary i pierakanańni, rušyć napierad — heta toje, čaho sapraŭdy nie chapaje našym ludziam», — kamientuje vakalist hurta «Čas Łajna» Stas Šašok.
SAČYĆ ZA NAVINAMI HURTA MOŽNA PRAZ SUPOŁKU «UKANTAKCIE».
