Hramadzianin ZŠA Emanuił Zelcer byŭ asudžany Mienskim haradzkim sudom da troch hadoŭ pazbaŭleńnia voli ŭ kalonii ahulnaha režymu, paviedamlaje BIEŁTA.
Advakata abvinavacili ŭ kamercyjnym špijanažy. Hramadzianku Rasiei Ŭładlenuu Funk za zbor kamercyjnaj infarmacyi i vykarystańnie padrobnych dakumentaŭ asudžanaja da hodu źniavoleńnia ŭ kalonii ahulnaha režymu. Sud prachodziŭ pry začynienych dźviarach.
Abvinavačvańni ab kantrabandzie narkatyčnych i psychatropnych rečyvaŭ byli źniatyja.
Nahadajem, E.Zelcer prylacieŭ 12 sakavika ŭ Miensk ź Londanu, kab vyrašyć prablemy spadčyny pamierłaha hruzinskaha miljanera Badry Patarkacyšvili. Jon byŭ aryštavany KDB adrazu pa prylocie. Raniej na terytoryi Biełarusi jon nia byŭ.
Zelcer nieadnarazova skardziŭsia na drenny stan zdaroŭja i adsutnaść patrebnaj medyčnaj dapamohi ŭ izalatary KDB. ZŠA zaklikali biełaruskija ŭłady vyzvalić Zelcera z humannych mierkavańniaŭ z‑za realnaj pahrozy jahonamu žyćciu. Ale aficyjny Miensk praihnaravaŭ hety zaklik. Biełaruskija ŭłady nie dazvolili Marku Zelceru, jaki žyvie ŭ Ńju‑Jorku, pryjechać u na praces nad jahonym bratam.
Sam Mark Zelcer pierakanany, što spravu jahonaha brata moh zamović Barys Bierazoŭski. ««Bierazoŭskamu treba izalavać majho brata, bo jon advakat Patarkacyšvili. Heta ž ŭsio z‑za jahonych hrošaŭ», — kaža M.Zelcer. Taksama Mark Zelcera śćviardžaje, što Bierazoŭski daŭ pakazańni ŭ Mienskim haradzkim sudzie ŭ jakaści śviedki.
Fizyčna stan hramadzianina ZŠA pakidaje zyčyć lepšaha. Na sudovyja pasiedžańni amerykanskaha advakata kanvairy zanosili na rukach. Advakat Dźmitry Haračka ličyć, što Zelcer moža nie dažyć da zakančeńnia terminu źniavoleńnia.
Rašeńnie budzie abskardžanaje ŭ Viarchoŭnym sudzie.
