Chaos na vulicach haradoŭ Vieniesueły: apazicyja praciahvaje akcyi pratestu, moładź atakuje palicyju, čavesisty stralajuć u moładź. Kolkaść śmiarotnych achviaraŭ dasiahnuła 37-mi, ułady admaŭlajucca pravieści daterminovyja vybary.
44-hadovaja žycharka Karakasa špurlaje kamień u palicyju. Fota Univision.
Ekanamičny kryzis pryvioŭ da padzieńnia papularnaści prezidenta Nikałasa Madura, pierajemnika papulista Uha Čavesa. Inflacyja, devalvacyja nacyjanalnaj valuty i deficyt tavaraŭ vyklikali rasčaravańnie nasielnictva. Ale stvorany šmat u čym pa kubinskich, rasijskich i biełaruskich uzorach režym nadziejna kantraluje ŭsie sudy i siłavyja struktury, likvidavaŭ padzieł uładaŭ i tamu trymajecca niezaležna ad nastrojaŭ hramadstva.
Apazicyja sabrała dosyć hałasoŭ dla praviadzieńnia refierendumu ab daviery da Madura, adnak ułady nie dazvolili jaho praviadzieńnia. Apazicyja vyjhrała parłamienckija vybary (u Vieniesuele pa-raniejšamu ličać hałasy), adnak Madura vyrašyŭ sklikać Ustanoŭčy schod, kab pazbavić parłamient upłyvu. Akramia taho, padkantrolnyja prezidentu sudy aryštavali adnych lidaraŭ apazicyi i pazbavili prava bałatavacca druhich.
Siońnia, u subotu, u Karakasie i inšych haradach krainy prajšli «maršy žančyn» za adstaŭku Madura.
