Viečaram 11 maja ŭ Kijevie adbudziecca druhi paŭfinał mižnarodnaha konkursu pieśni «Jeŭrabačańnie-2017». Žyvuju tranślacyju ŭ 22.00 pačnuć vieści telekanały «Biełaruś 1» i «Biełaruś 24», a taksama sajt Biełteleradyjokampanii (tvr.by), paviedamili BIEŁTA ŭ pres-słužbie miedyjachołdynha.
Biełaruskaja hrupa NaviBand z kampazicyjaj «Historyja majho žyćcia» vystupić pad numaram 14. Razam z maładymi ludźmi za pucioŭku ŭ finał buduć zmahacca vykanaŭcy ź Sierbii, Aŭstryi, Makiedonii, Malty, Rumynii, Niderłandaŭ, Vienhryi, Danii, Irłandyi, San-Maryna, Charvatyi, Narviehii, Šviejcaryi, Bałharyi, Litvy, Estonii, Izraila.
U druhim paŭfinale mohuć hałasavać krainy-ŭdzielnicy, a taksama Hiermanija, Francyja i Ukraina. Telefonnyja numary buduć abjaŭlenyja kamientataram, a taksama abaznačanyja efirnaj hrafikaj u čas pramoj tranślacyi. U adpaviednaści z praviłami konkursu, biełaruskija telehledačy nie mohuć hałasavać za pieśniu, jakaja prezientuje ich krainu.
Kamientavać druhi paŭfinał hałoŭnaha televizijnaha muzyčnaha šou Jeŭropy pa-biełarusku budzie žurnalist Ahienctva telenavin Jaŭhien Pierlin.
