Kamitet pa raźviedcy amierykanskaha Sienata ŭpieršyniu vypisaŭ pozvu ŭ ramkach rasśledavańnia ab umiašańni Rasii ŭ prezidenckija vybary. Byłoha daradcu prezidenta pa nacyjanalnaj biaśpiecy Majkła Flina abaviazali pieradać kamitetu dakumienty, jakija majuć dačynieńnie da rasśledavańnia.
Flinu jašče 28 krasavika nakiravali aficyjny zapyt, u jakim prapanavali pradstavić hetyja dakumienty dobraachvotna. Były čynoŭnik administracyi Donalda Trampa praz svajho advakata admoviŭsia supracoŭničać z rasśledavańniem.
Majkł Flin byŭ adpraŭleny ŭ adstaŭku ŭ lutym 2017 hoda, mienš čym praź miesiac paśla inaŭhuracyi Trampa. Pryčynaj stali razmovy Flina z rasijskim pasłom u Vašynhtonie Siarhiejem Kiślakom, pra jakija daradca nie paviedamiŭ načalstvu.
0
0
0
0
0
0