Alaksandr Łukašenka, prymajučy 12 maja rašeńnia pa kadravych pytańniach u dačynieńni da kiraŭnikoŭ miascovaj viertykali ŭłady, źviarnuŭ asablivuju ŭvahu na raźvićcio bujnych rehijanalnych centraŭ, takich jak Orša, Babrujsk, Barysaŭ ci Baranavičy. Pra heta paviedamlaje pres-słužba prezidenta.
president.gov.by
U častcy raźvićcia Aršanskaha rajona prezidentam užo byli dadzieny adpaviednyja daručeńni, i ŭ bližejšy čas hetyja pytańni buduć razhladacca na vyjaznoj uradavaj naradzie. Nahadajem, vystupajučy sa štohadovym pasłańniem parłamientu i biełaruskamu narodu Alaksandr Łukašenka daručyŭ «padniać z ruin i popiełu ŭ bližejšy čas» nasielenyja punkty Barań, Bałbasava i Oršu.
Alaksandr Łukašenka nazvaŭ hetyja i padobnyja im pa značnaści biełaruskija harady z terytoryjami vakoł ich rehijonami, padkreśliŭšy tym samym važnaść kompleksnaha raźvićcia dadzienych terytoryj jak z punktu hledžańnia vytvorčaj śfiery, tak i vyrašeńnia sacyjalnych pytańniaŭ. «Hetyja rehijony — čarhovaja epapieja, jakuju my pačynajem. I my pavinny vielmi chutka vyrašyć hetyja prablemy», — skazaŭ kiraŭnik dziaržavy.
«Patrebny žalezny paradak. Razmovy skončany, - padkreśliŭ prezident. - Spasyłak na toje, što čahości tam nie chapiła, być nie pavinna. Vy siońnia vychodzicie i ad imia prezidenta ažyćciaŭlajecie tuju palityku, pra jakuju ja tak šmat kažu. Vy viedajecie, što tam treba rabić», — źviarnuŭsia Alaksandr Łukašenka da novych kiraŭnikoŭ miascovych vykanaŭčych i rasparadčych orhanaŭ.
Asobna prezident zakranuŭ pytańni ideałohii. Jon padkreśliŭ, što praca ŭ hetaj śfiery nie pavinna zvodzicca tolki da taho, kab kudy-niebudź pryjści i pračytać lekcyju. «Samaja vialikaja ideałohija — heta tam, dzie ŭzdymajecca duch ludziej, duch naroda. Ja zaraz maju na ŭvazie nie zvyčajnyja hramadskija masavyja mierapryjemstvy, a spartyŭnyja », - adznačyŭ kiraŭnik dziaržavy.
U suviazi z hetym Alaksandr Łukašenka źviarnuŭ uvahu, što kulturna-spartyŭnyja kompleksy, pabudavanyja ŭ roznych haradach, u tym liku ŭ Oršy, časam nie ŭ poŭnaj miery zadziejničany. Na ich bazie niama spartovych kamand. Pry hetym u krainie jość pierśpiektyŭnyja trenierskija kadry, jakija hatovyja ŭ rehijonach zajmacca raźvićciom tych ci inšych vidaŭ sportu.
«Treba hetych chłopcaŭ zaprašać, zabiaśpiečyć žyllom. Tam, dzie jość hetyja katki, treba stvarać škoły i kamandy - asnoŭnaja, dublujučy skład, škoła dla dziaciej i masavaje katańnie. Hetyja abjekty nie pavinny pustavać», — miarkuje prezident.
