Litoŭskaja dziaržaŭnaja kampanija Lietuvos geležinkeliai (Litoŭskaja čyhunka) admoviłasia ad pieravozak pasažyraŭ u Maskvu, paviedamlaje Delfi sa spasyłkaj na pres-słužbu kampanii.
Takoje rašeńnie było pryniataje ź mierkavańniaŭ ekanomii. Kampanija śćviardžaje, što dziakujučy hetamu jana zmoža ekanomić štohod 2 młn jeŭra, a pasažyry i dalej zmohuć jeździć u Rasiju na rasijskich ciahnikach.
U Lietuvos geležinkeliai z paniadziełka pierastanuć čaplać vahony da rasijskaha ciahnika, jaki kursiruje pa maršrucie Kalininhrad—Vilnia—Maskva.
«U troch dadatkovych vahonach u siarednim jeździła prykładna 20 pasažyraŭ. Maršrut zachavajecca i ŭ dalejšym, adnak u Vilni my pierastaniem čaplać svaje vahony. Dziakujučy hetamu našy vydatki skarociacca», — skazaŭ namieśnik hiendyrektara kampanii Linas Baŭžys.
Letaś Litoŭskaja čyhunka pieraviezła ŭ Maskvu i nazad amal na 27% mienš pasažyraŭ, čym u 2015 hodzie.