U bližejšyja try hady ŭ Biełarusi moža być źnižana staŭka padatku na dadadzieny košt. Płany MPZ 18 maja ahučyła namieśnik kiraŭnika viedamstva Eła Sialickaja.
«My šukajem reziervy dla źnižeńnia staŭki. Mahčyma, heta adbudziecca za košt taho, što budzie admienieny lhotny PDK dla niekatorych hrup tavaraŭ», - skazała Sialickaja. Pavodle jaje słoŭ, u płanach da kanca hoda admovicca ad lhotnaj 10%-j staŭki dla praduktaŭ raślinavodstva. A da 2020 hoda pakinuć nizkija kaeficyjenty tolki dla sacyjalna značnaj hrupy.
Eła Sialickaja taksama paviedamiła, što nie płanujecca vyzvalać ad vypłaty PDK stratnyja i nieefiektyŭnyja pradpryjemstvy. Pavodle jaje słoŭ, siońnia ŭ krainie adsutničajuć reziervy dla źnižeńnia padatkovaj nahruzki na pradpryjemstvy.
Zaraz staŭka PDK składaje 20% i zabiaśpiečvaje 80% usich padatkovych pastupleńniaŭ u biudžet.
