Biełaruś za piać hadoŭ pavialičyła ŭ 2 razy ekspart pradukcyi vajennaha pryznačeńnia, paviedamiŭ žurnalistam staršynia Dziaržaŭnaha vajenna-pramysłovaha kamiteta Siarhiej Huruloŭ.
«My za piać hadoŭ abjom ekspartu pavialičyli roŭna ŭ dva razy. Pa minułym hodzie [ekspart skłaŭ] — kala $ 1 młrd. Liču, dla Biełarusi heta dosyć surjoznaja ličba», — skazaŭ Siarhiej Huruloŭ.
Hety abjom dasiahnuty dziakujučy pastajannamu pašyreńniu rynku. «Užo zaraz uzajemadziejničajem z 52 krainami. Z 32 krainami my pracujem na zakanadaŭčym uzroŭni ŭ halinie vajenna-techničnaha supracoŭnictva. My šyroka pradstaŭleny ŭ SND, Paŭdniova-Uschodniaj Azii, Paŭdniovaj Amierycy, Jeŭropie, na Afrykanskim kantyniencie. Užo dabralisia da Aŭstralii, Filipin. U nas dobryja ŭzajemaadnosiny ź Indaniezijaj, Małajzijaj», - padkreśliŭ jon.
Pa słovach Siarhieja Hurulova, važna pracavać z zamiežnymi pakupnikami kompleksna. «Ciapier važna prapanoŭvać nie častki čaho-niebudź, a cełyja kompleksy. Jość šerah krain, dzie my hetyja kompleksy prapanujem», — skazaŭ staršynia Dziaržaŭnaha vajenna-pramysłovaha kamiteta.
