Biada zdaryłasia 13 maja ŭ Viciebsku. Žycharka Viciebska pryjechała na pracu na aŭtamabili «Tajota Aurys» i pryparkavała jaho na ŭskrajku prajeznaj častki. Ale pustoje aŭto samo saboj pakaciłasia zadnim rucham — i źbiła piešachoda. 69-hadovaja žančyna ad atrymanych cialesnych paškodžańniaŭ pamierła na miescy.
Śledčyja raspačali kryminalnuju spravu ŭ dačynieńni da ŭładalnicy aŭtamabila, 36-hadovaj žančyny, za parušeńnie praviłaŭ darožnaha ruchu abo ekspłuatacyi transpartnych srodkaŭ asobaj, jakaja kiruje transpartnym srodkam, što paciahnuła pa nieaściarožnaści śmierć čałavieka. Žančynie pahražaje da 5 hadoŭ pazbaŭleńnia voli.
Śledčyja dadatkova ustaloŭvajuć śviedak DTZ, jakija vałodajuć jakoj-niebudź infarmacyjaj, jakaja maje značeńnie dla kryminalnaj spravy, i prosiać źviarnucca ŭ adździeł pa rasśledavańni złačynstvaŭ suprać biaśpieki ruchu i ekspłuatacyi transpartu śledčaha ŭpraŭleńnia pa adrasie: Viciebsk, praśpiekt Maskoŭski 51A, abo patelefanavać pa telefonie 8(0212) 46-20-78.
