Kansiervatyŭnaja partyja pad kiraŭnictvam brytanskaha premjera Terezy Mej napiaredadni vybaraŭ zrabiła značna bolš žorstkaj svaju prahramu ŭ halinie mihracyjnaj palityki. Heta vynikaje ź pieradvybarčaj prahramy partyi, jakuju Mej prezientavała ŭ čaćvier u Halifaksie, piša DW.
U pryvatnaści, pošlina (Immigration Skills Charge) dla firmaŭ, jakija ŭładkoŭvajuć na pracu hramadzian krain, što nie ŭvachodziać u Jeŭrasajuz, budzie pavyšanaja ŭ dva razy — da 2 tysiač funtaŭ (kala 2330 jeŭra) u hod. Hetyja srodki pavinny pajści na pavyšeńnie kvalifikacyi brytanskich hramadzian. U płanach kansiervataraŭ taksama pavysić dla zamiežnikaŭ uznosy pa dziaržaŭnaj prahramie achovy zdaroŭja National Health Service.
«Zanadta chutkaja i zanadta maštabnaja imihracyja ŭskładnić pabudovu adzinaha hramadstva», — padkreśliła premjer na vystupie ŭ Halifaksie.
U kancy krasavika 522 členy parłamienta padtrymali niečakanauju prapanovu premjer-ministra Terezy Mej ab praviadzieńni daterminovych vybaraŭ. Vybary ŭ parłamient Vialikabrytanii pavinny byli adbycca ŭ 2020 hodzie, adnak projduć užo 8 červienia 2017 hoda.
