Alaksandr Łukašenka zajaŭlaje ab padtrymcy dziaržavaj raźvićcia partyjnaj sistemy, ale nijakich štučnych krokaŭ u hetym kirunku zroblena nie budzie. Ab hetym kiraŭnik dziaržavy zajaviŭ siońnia na sustrečy sa staršynioj FPB Michaiłam Ordam.
«Kali partyi, jakija isnujuć, zdolnyja da ŭznaŭleńnia, uzmacnieńnia, umacavańnia, pavyšeńnia kolkaści, my budziem hety praces padtrymlivać. Prytym i apazicyjnyja, i nie apazicyjnyja», — zajaviŭ Alaksandr Łukašenka.
Adnačasova kiraŭnik dziaržavy adznačyŭ, što ŭ krainie jość dźvie mahutnyja arhanizacyi — prafsajuzy kolkaściu bolš za 4 młn čałaviek i hramadskaje abjadnańnie «Biełaja Ruś». «Heta nie značyć, što ja budu pieršaradnuju ŭvahu nadavać ich padtrymcy. Ale ja nie chavaju svajho staŭleńnia da hetych dźviuch najmahutnych arhanizacyj. Jany hrali i buduć hrać bolš istotnuju rolu ŭ žyćci našaha hramadstva», — zajaviŭ biełaruski lidar.
