Urad Japonii ŭchvaliŭ zakonaprajekt, pavodle jakoha impieratar Akichita zmoža zračysia tronu. Ale hety zakon zmoža spracavać tolki adzin raz.
U minułym hodzie 83-hadovy impieratar paviedamiŭ, što zdaroŭje i ŭzrost nie dazvalajuć jamu paŭnavartasna vykonvać svaje abaviazki.
Ale ŭ dziejučym zakanadaŭstvie Japonii niama punktu ab adračeńni, tamu impieratar nie moža pa ŭłasnym žadańni pieradać uładu naślednamu pryncu Naruchita.
Zakonaprajekt budzie razhladacca ŭ parłamiencie krainy i, jak miarkujuć, budzie pryniaty.
Apošni raz japonski impieratar adrakaŭsia ad tronu ŭ 1817 hodzie.
Hałoŭny sakratar kabinieta ministraŭ Jošychide Suha skazaŭ žurnalistam u piatnicu, što ŭrad spadziajecca na bieśpieraškodnaje pryniaćcie zakona.
Impieratar Akichita pieranios apieracyju na sercy i lačyŭsia ad raku prastaty. Jon zaniaŭ tron paśla śmierci svajho baćki, impieratara Chirachita, u 1989 hodzie. Jaho lubiać i šanujuć u Japonii.
U žniŭni ŭ zvarocie da nacyi jon skazaŭ, što pačynaje adčuvać abmiežavańni, jakija nakładaje na jaho ŭzrost, i što heta pryviało jaho da razvažańniaŭ ab roli i abaviazkach impieratara.
Zakon zabaraniaje impierataru vykazvacca pa pytańniach palityki, tamu impieratar Akichita nie moh prosta skazać, što choča adračysia ad pasadu.
U zakonaprajekcie, uchvalenym kabinietam ministraŭ, havorycca ab šyrokaj padtrymcy rašeńnia impieratara jaho paddanymi.