Deputaty Dziarždumy RF pryniali ŭ pieršym čytańni zakonaprajekty, jakija dazvalajuć admianiać raniej pryniatyja rašeńni ab pradastaŭleńni rasijskaha hramadzianstva zamiežnikam, kali jany byli asudžanyja za teraryzm i ekstremizm. Papraŭki byli ŭniesienyja ŭ parłamient paśla teraktu ŭ Pieciarburhu, piša VVS.
Deputaty prahałasavali adnahałosna.
Papraŭki padtrymali ŭ svaich vystupleńniach pradstaŭniki ŭsich frakcyj. «My havorym ab tym, što luby, chto pryjazdžaje da nas z metami teraryzmu, nikoli nie budzie hramadzianinam Rasii», — skazała vice-śpikier Iryna Jaravaja.
Tolki deputat ad ŁDPR Siarhiej Ivanoŭ zaŭvažyŭ: «Niaŭžo vy ličycie, što čałavieku, jaki idzie na ździajśnieńnie teraktu, budzie drenna tamu, što paśla taho, jak jon siabie padarvie, jaho pazbaviać hramadzianstva?»
Ivanoŭ prapanavaŭ bolš radykalnuju mieru — viartańnie śmiarotnaha pakarańnia. Ale jaho frakcyja ŭsio roŭna prahałasavała «za».
