26-28 traŭnia u miežach «Biełaruskich uikendaŭ» adbuducca pakazy kranalnaj kamiedyi «Pakul nohi nosiać» pa-biełarusku. U hałoŭnych rolach — Džek Nikałsan i Morhan Frymen.
Ekscentryčny miljarder Edvard Koŭł (Džek Nikałsan) i aŭtaślesar Karter (Morhan Frymen) pražyli svajo žyćcio pa-roznamu, ale nikoli nie mieli mahčymaści spynicca i zadumacca, navošta jano ŭsio. Ciapier, kali jany apynulisia na susiednich łožkach u špitali, a ich dyjahnaz — rak, siabry pa niaščaści vyrašajuć vykanać, pakul nohi nosiać, usie svaje zapavietnyja žadańni. Ale ci znojduć jany radaść u žyćci?
Hety film — bieniefis dvuch hienijalnych akcioraŭ našaha času — vybuchnoha Džeka Nikałsana i zaŭždy spakojnaha Morhana Frymena. Film kamiedyjny, ale adnačasova prymušaje zadumacca pra važnyja rečy: u čym sens i radaść žyćcia?
Na biełaruskuju movu hałoŭnyja roli ahučyli Pavał Charłančuk i Aleś Małčanaŭ.
Pakazy adbuducca 26-28 maja ŭ kinateatry «Maskva». Pačatak sieansaŭ a 19:00. Bilety možna nabyć u kasach kinateatra i na bycard.by
Pakazy arhanizavany ŭ miežach prajekta «Biełaruskija ŭikendy» kampanijaj «Kinakonh» pry padtrymcy «Atłant Telekam» i velcom.
Padrabiaźniej na kinakong.by.
